Almatyda tramvaı joldary alynyp jatyr
ALMATY. QazAqparat - Almatyda qalǵan tramvaı joldaryna demontaj jasaý jumystary qaıta jalǵasty, dep habarlaıdy «QazAqparat» HAA tilshisi.
Instagram áleýmettik jelisindegi @kris_p_almaty paraqshasynda Maqataev kóshesindegi buzylyp jatqan tramvaı relsteriniń vıdeosy jarııalandy. Qala ákimdigi tramvaı relsteriniń bıyl buzylatynyn rastap otyr.
«Maqataev kóshesinde demontaj jumystary bastalyp ketti. Relster birtindep shyǵys baǵytqa qaraı alyna bastaıdy. Jaqyn arada Baıtursynov jáne Jarokov kóshesindegi tramvaı joldary alynady»,-dep habarlady qala ákimdigi.
Qala basshylyǵy taratqan aqparatqa súıensek, demontaj jumystaryn tolyq aıaqtaý 25 tamyzǵa josparlanǵan.
