Almatyda tramvaı relsterin buzyp jatyr
ALMATY. QazAqparat - Almatyda tramvaı relsterin buzý jumystary jalǵasyp jatyr, dep habarlaıdy QazAqparat tilshisi.
Negizgi jumystar Maqataev kóshesinde bastaldy.
Qala turǵyndary Instagram paraqshasynda Maqataev kóshesindegi jóndeý jumystarynyń vıdeosyn jarııalap jatyr.
Qalalyq avtomobıl joldary jáne jolaýshylar kóligi basqarmasy habarlaǵandaı, byltyr Shevchenko, Qonaev pen Ótepov kóshelerindegi jáne 23 qıylystaǵy jalpy uzyndyǵy 16,7 shaqyrym bolatyn tramvaı relsi alynǵan bolatyn.
Bul jumystarǵa 123 mln teńge jumsaldy.
Al Jarokov, Baıtursynov, Maqataev kóshelerindegi relster 2018 jylǵa qaldyrylǵan edi.
Jalpy alǵanda bıyl qalada taǵy 21,2 shaqyrym rels alynady.
