Almatyda tramplınnen shańǵymen sekirýden FIS Álem Kýbogynyń qysqy kezeńderi ótedi
ASTANA. QazAqparat - 27 men 28 aqpan kúnderi Almatyda «Viessmann» usynǵan tramplınnen shańǵymen sekirýden FIS Álem Kýbogynyń qysqy kezeńderi ótedi. 15 eldiń 150 sportshysy, halyqaralyq «Suńqar» tramplınder kesheninde baqtaryn synaıdy. Atalǵan testilik jarys, 2017 jylǵy 28-shi Búkilálemdik qysqy Ýnıversıadaǵa daıyndyq aıasynda ótkiziledi.
Bul týraly Qazaqstannyń shańǵy sport túrleri qaýymdastyǵynyń baspasóz qyzmeti habarlady.
Shańǵymen tramplınnen sekirýden Álem kýboginiń kezeńi - Halyqaralyq shańǵy sporty federatsııasynyń (FIS) jyl saıyn ótkizetin mártebeli jarysy. Ol birneshe kezeńnen turady.
Almatynyń «Suńqar» tramplınder kesheninde ótetin qysqy kezeńge 15 elden 150 sportshy qatysady. Olar FIS nusqasy boıynsha álemniń eń úzdik otyzdyǵyna kiretin tuǵyrdan sekirýshiler. Eurosport telearnasy jarystan eki kún boıy habar taratady.
«Bizdiń elimiz úshin bul aıtýly oqıǵa. Almatyda álemniń kil myqty sportshylary bas qospaq. Bul jarysty uıymdastyrýda aýqymdy daıyndyq jumystary atqaryldy. Barlyq sportshylar jarysta búkil kúsh-jigerin ortaǵa salmaq. Óıtkeni olarǵa árbir upaıdy enshileý asa mańyzdy. Sondyqtan Almatydaǵy álem kýbogynyń kezeńine, álemniń top-30 sportshylary keldi, - dedi, Qazaqstannyń shańǵy sport túrleri qaýymdastyǵynyń bas hatshysy Igor Jýkov.
Álem kýbogy aldaǵy jyly Almatyda ótetin qysqy Ýnıversıada aıasyndaǵy testilik jarys bolyp esepteledi. Jarys kezinde qysqy Ýnıversıadanyń uıymdastyrý komıteti men «Suńqar» halyqaralyq tramplınder kesheniniń qyzmetteri testileýden ótedi.
«Álem kýbogynyń qysqy kezeńi, bıyl biz uıymdastyryp jatqan ekinshi testilik shara bolyp tabylady. Jaqynda ǵana VI-shy Respýblıkalyq Ýnıversıada kezinde dırektsııanyń birqatar qyzmet bólimderin synaqtan ótkizdik. Bıylǵa 7 testilik jarys josparlanyp otyr. Al osy jolǵy jarys arqyly biz «Suńqar» tramplınder kesheniniń úlken jarystardy qabyldaýda qanshalyqty daıyn ekenin baıqap kóremiz. Sondaı-aq, dırektsııanyń transport, volonterlar, hattama bólimderiniń jumysyn baıqaımyz. Biz barlyq Almaty turǵyndary men qonaqtaryn aldaǵy demalys kúnderi ótetin jarysty kórýge shaqyramyz», - dedi, 2017 jylǵy qysqy Ýnıversıadany uıymdastyrý jáne ótkizý boıynsha dırektsııasynyń jetekshisi Áset Ábdýalıev.
Almaty qalasynyń turǵyndary men qonaqtary úshin jarysqa kirý tegin. Aqysyz bıletterdi kassir.kz, ticketon.kz, zakazbiletov.kz, tvoibilet.kz saıttarynan alýǵa bolady.
Jarys baǵdarlamasy:
27 aqpan, senbi
13.00 - Ashylý saltanaty
14.00 - Baıqaý kezeńi, áıelder
15.00 - Áıelder arasyndaǵy 1-shi synaq sekirý. Fınaldyq kezeń.
17.00 -Baıqaý kezeńi, erler
18.00 -Erler arasyndaǵy 1-shi synaq sekirý. Fınaldyq kezeń
28 aqpan, jeksenbi
14.00 - Іrikteý, áıelder
15.00 - Áıelder arasyndaǵy 1-shi synaq sekirý. Fınaldyq kezeń.
16.45 - Іrikteý, erler
18.00 - Erler arasyndaǵy 1-shi synaq sekirý. Fınaldyq kezeń
Viessmann - Viessmann Werke GmbH & Co kompanııasyna tıesili saýda markasy. Bul markamen mekemeler men ǵımarattardy jylytý júıeleri jasap shyǵarylady. Viessmann qysqy sport túrleriniń birazyna demeýshi bolyp júr. Atap aıtsaq: bıatlon, shańǵy saıysy, shana sporty, shańǵy qossaıysy men tramplınnen sekirý sporty.
