Almatyda Toyota polıtsııa ekopostyna soǵyldy
ALMATY. QazAqparat - Almatyda Toyota Carina kóligi polıtsııa ekopostyn qaǵyp ketti, dep habarlaıdy QazAqparat tilshisi.
Bul týraly qalalyq Polıtsııa departamentiniń resmı ókili Saltanat Ázirbek habarlady.
Onyń aıtýynsha, oqıǵa keshe túnde bolǵan.
«Almaty áýejaıyna baratyn Buqtyrma kóshesinde ekologııalyq posttyń tuǵyryna Toıota Karına E kóligi soǵylǵan. 34 jastaǵy júrgizýshi kólik rólinen aırylyp qalǵan. Oqıǵadan eshkim zardap shekpegen. Júrgizýshi ishimdik ishpegen», - dedi qalalyq PD resmı ókili Saltanat Ázirbek.
Qazirgi tańda oqıǵanyń mán-jaıyn Túrksib aýdandyq polıtsııa basqarmasynyń mamandary anyqtaýda.
