Almatyda Toyota men Lexus soqtyǵysyp, 2 adam mert boldy
ALMATY. QazAqparat – Almatyda Toyota Land Cruiser Prado men Lexus soqtyǵysyp, eki adam mert boldy, dep habarlaıdy QazAqparat tilshisi.
Jol apaty túnde Rozybakıev pen Esqaraev kósheleriniń qıylysynda bolǵan.
Oqıǵa kýágerleriniń aıtýynsha, Toyota Land Cruiser Prado Lexus kóligimen soqtyǵysty.
«Bul derek boıynsha qazir Almaty qalalyq Polıtsııa departamenti QR QK 345-babymen sotqa deıingi tergeý amaldaryn júrgizip jatyr. Jol apatynan 27 jastaǵy áıel oqıǵa ornynda kóz jumsa, 28 jastaǵy er adam aýrýhanada qaıtys boldy. Jaraqat alǵan taǵy eki jaıaý júrginshi aýrýhanaǵa jatqyzyldy», - dedi Polıtsııa basqarmasynyń baspasóz qyzmetinen.
