Almatyda «Toıota Kamrı» kóligi boıjetkendi qaǵyp ketti
ALMATY. QazAqparat - Almatyda «Toıota Kamrı» boıjetkendi qaǵyp ketti, dep habarlaıdy QazAqparat tilshisi oqıǵa ornynan.
Jol apaty Jeltoqsan kóshesiniń boıynda, Sátpaev pen Abaı kósheleriniń arasynda bolǵan.
«Toıota Kamrı» Jeltoqsan kóshesimen soltústik baǵytta kele jatqanda jolǵa kenetten qyz júgirip shyqqan.
Júrgizýshi shuǵyl tejegishti basqannyń ózinde qyzdy qaǵyp ketti.
Qyz sol jerde basynan jaraqat alyp, esinen tanyp qaldy. Jedel járdem kóligi qyzdy aýrýhanaǵa alyp ketti.
Oqıǵaǵa kýá bolǵandardyń aıtýynsha, qyz jan-jaǵyna qaramaı, jol boıyna júgirip shyqqan. Joldyń shetinde kele jatqan "Kamrı" júrgizýshisi ony baıqamaı qalǵan.
