Almatyda toı-tomalaqqa barǵan 16 adam koronavırýs juqtyryp alǵan
Almatyda koronavırýs ınfektsııasynyń 22 898 jaǵdaıy tirkelgen,onyń 14 558-i - sımptomdy jáne 8340-y - sımptomsyz.
Emdelgender sany - 20 953 (+110).
7 aqpanda koronavırýs ınfektsııasynyń 114 jaǵdaıy tirkeldi (112 naýqas - jergilikti turǵyn, bireýi - Birikken Arab Ámirlikterinen jáne taǵy bireýi Shymkent qalasynan juqtyryp kelgen) .
Onyń ishinde 78 jaǵdaı - sımptomdy, 36 jaǵdaı - sımptomsyz. Táýliktik ósim-0,4%.
«Qańtar aıynda KVI-diń 3607 jaǵdaıy tirkeldi, aqpannyń 7 kúninde - 770 jaǵdaı. KVI ekinshi tolqynynyń damý dınamıkasy 28 qańtarda quldyraı bastady. Bul Almaty qalasynyń epıdemıologııalyq jaǵdaıdy baǵalaý matrıtsasynda «qyzyl» aımaqtan (4 kún boldy – 25-29 qańtar aralyǵynda) «jasylǵa» (31 qańtardan bastap qazirgi ýaqytqa deıin) aýysýyna ákeldi», - dep habarlady Almaty qalasy sanıtarlyq-epıdemıologııalyq baqylaý departamenti basshysynyń orynbasary Ásel Qalyqova.
Epıdemıologtyń aıtýynsha, 28 qańtardan bastap Almaty qalasynda KVI aýrýy kúndelikti 130 jaǵdaıdan - 122 jaǵdaıǵa deıin, 29-31 qańtar aralyǵynda kúnine 90-116, 1-7 aqpan aralyǵynda 110-114 jaǵdaıǵa deıin tómendegen.
Bul rette qańtar aıynyń 4 aptasymen salystyrǵanda qoǵamdyq orynda juqtyrýdyń 5,1% (38,6-dan 43,7% deıin), otbasylarda 2% - ǵa (28%-dan 30% deıin) ulǵaıýy anyqtaldy.
Otbasylyq is-sharalarda (qudalyq, kesh jáne basqalar) ınfektsııanyń kóbeıgeni baıqalady - aptasyna 16 jaǵdaı (2,2%), bul halyq arasynda qyraǵylyq pen saqtyq sharalarynyń tómendegenin kórsetedi.
Qoǵamdyq kólikte juqtyrý deńgeıi 20-22% aralyǵynda ózgerissiz qaldy.
Epıdemıolog sanıtarlyq normalardy saqtaýdyń - betperde kııýdiń, 1,5-2 metr qashyqtyqty saqtaýdyń mańyzyn taǵy da atap ótti, sondaı-aq múmkindiginshe adam kóp jınalatyn jerlerge barýdan bas tartýǵa shaqyrdy.
Qańtar aıymen salystyrǵanda jas erekshelikterine qaraı aýrý deńgeıi 20-39 jas aralyǵynda 3% nasharlady.
Aıta ketý kerek, pandemııa bastalǵannan beri Almatyda shamamen 917 myń PTR zertteý júrgizildi. Búgingi kúni qalada táýliktik qýaty 14,5 myń zertteý bolatyn 24 PTR zerthana jumys isteıdi. Perspektıvalyq qýaty - 23 300 zertteý.
Búgingi tańda Almaty statsıonarlarynyń jalpy qýaty - 7011 oryn. Búgingi kúni ınfektsııalyq statsıonarlarda (1866 tósek) 703 naýqas jatyr, onyń ishinde 17-si - asa aýyr jaǵdaıda. Tósek-orynnyń 62%-dan astamy bos.
1 aqpannan bastap Almaty medıtsınalyq uıymdarynyń 1240 qyzmetkeri (67%) koronavırýs ınfektsııasynan «Spýtnık» vaktsınasyn aldy, bári 30 mınýt boıy medıtsınalyq baqylaýda boldy, eshqaısynyń densaýlyǵy nasharlaǵan joq.