Almatyda toı saltanattaryna qyzmet kórsetetin fırmalardyń qymbat avtokólikterin tartyp alǵan qaraqshy top izdestirilýde - QR ІІM
ASTANA. Qarashanyń 30-y. QazAqparat /Jasulan Amanbaıuly/ - Almatyda qymbat avtokólikterdi ıelerinen tartyp alyp, olardy Qyrǵyzstan asyryp otyrǵan qaraqshylardyń isi áshkerelendi. Bul týraly búgingi brıfıng barysynda Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málimdedi,
dep habarlaıdy QazAqparat.
Qarasha aıynyń ortasynda Almaty qalasynda belgisiz bireýler qymbat baǵaly eki «Djıp» avtokóliginiń júrgizýshilerine qaraqshylyq shabýyl jasap, kólikterin aıdap áketken bolatyn. Krımınaldyq polıtsııa qyzmetkerleri jedel aqparat boıynsha, kólikter Qyrǵyzstanǵa jóneltilgenin anyqtady. Qyrǵyzstan polıtseılerimen birlesken is-shara barysynda Bishkek qalasynda avtokólikterdiń biri «Mersedes-Bents G55» tabyldy. Ekinshi kóliktiń jasyrylǵan jeri men kúdiktilerdi anyqtaý sharalary jalǵasýda.
«Tergeý barysynda anyqtalǵany - kúdiktiler jábirlenýshilerdi gazettegi habarlandyrýlar boıynsha toı saltanattaryna qyzmet kórsetetin fırmalardyń arasynan tańdaǵany jáne kezdesetin jerin aldyn ala belgilep, júrgizýshilerge qaraqshylyq shabýyl jasap otyrǵan», dedi Q. Jumanov.
