Almatyda toı kortejinde ereje buzǵan júrgizýshi jaýapqa tartyldy
ALMATY. QazAqparat - Almaty polıtsııasy toı kortejinde ereje buzǵan júrgizýshini jaýapqa tartty, dep habarlaıdy QazAqparat tilshisi.
Atalǵan vıdeo áleýmettik jelidegi pablıkterdiń birinde shyqqan.
15 mınýttyq rolıkte toı korteji túsirilgen.
«Elıtalyq avtomobılderden turatyn kortej Abaı kóshesimen shyǵysqa baǵyt alyp kele jatqan. Olardyń ishinde bir júrgizýshi erekshe kózge túspek bolǵan. «Rendj Rover» tizgindegen 20 jastaǵy jigit kóligin artymen júrgizgen. Sony aldyn ala josparlaǵandaı, kóligine merzimi ótip ketken tranzıttik nómir qoıǵan. Óz júrisin vıdeoǵa túsirgen. Keıin vıdeo avtorlary ózderi jelige júktegen. Júrgizýshige qatysty 3 ákimshilik hattama toltyryldy. Profılaktıkalyq áńgime júrgizildi»,- dedi qalalyq ІІD ákimshilik polıtsııa basqarmasynyń basshysy Jandos Muratalıev.
Atap aıtqanda, jas jigit QR QK 590-babynyń 2-bólimimen (nómirsiz kólik júrgizý), QR QK 595-babynyń 1 jáne 2 bólimderimen jaýapqa tartylmaq.
