Almatyda «Tour Of World Class Almaty 2016» velojarysyna 600 veloáýesqoı qatysty

Olardyń arasynda Reseı, Ýkraına, Germanııa, Nıderland, Italııa, Túrkııa, AQSh jáne Japonııadan kelgen sportshylar boldy.

Velojarystyń saltanatty ashylý rásimi Mega Center Alma-Ata saýda oıyn-saýyq kesheni aldynda ótti. Óziniń alǵy sózinde Almaty qalasy ákiminiń orynbasary Arman Qyryqbaev qatysýshylar men jankúıerlerdi búgingi jarystyń bastalýymen quttyqtap, qatysýshylarǵa sáttilik tiledi. Ol sonymen qatar, qalada velosıped sportyna áýestenýshilerdiń jyldan jylǵa kóbeıip kele jatqandyǵyn, munyń salamatty ómir saltyn ustanýdyń aıqyn kórinisi ekendigine atap ótti.

Sonymen, «MTV» dárejesi boıynsha 33 jastaǵy Evgenıı Asafev jeńimpaz atandy. Onyń kórsetken nátıjesi - 49 mınýt 23 sekýnd. «Tas jol» dárejesi boıynsha 41 jastaǵy Gennadıı Krýglıakovtyń baǵy jandy. Ol máre syzyǵyn 45 mınýt 12 sekýndta  basyp ótti.

Áıelder arasynda «MTV» dárejesinde 33 jastaǵy Evgenııa Býlgakova jeńimpaz atandy. Ol 30 shaqyrymdy 1 saǵat 3 mınýt 29 sekýndta basyp ótti.  «Tas jol» dárejesinde 35 jastaǵy Vımktorııa Zaıtsev jeńiske jetti. Onyń kórsetkishi - 49 mınýt 11 sekýnd.

Velojarystyń teń uıymdastyrýshysy A. Vınokýrov atyndaǵy «Sportqa qoldaý kórsetý jáne ony damytý» qoǵamdyq qorynyń bastamasymen tuńǵysh ret velojarys baǵdarlamasyna balalar qashyqtyǵy da qosylǵan bolatyn. Oǵan 20 jasóspirim qatysty. Tas jolǵa arnalǵan velosıpedpen 14 shaqyrymǵa jarysýda 13 jastaǵy Danıl Pýshkarnyı jeńimpaz atandy. Al qyzdar arasynda máre syzyǵyn birinshi bolyp 12 jastaǵy Anastasııa Berezan basyp ótti. Jarysty uıymdastyrýshy Almaty marafony uıymdastyrý komıtetiniń habarlaýynsha, velojarystyń nátıjelerin https://tourof.wclass.kz/ saıtynan kórýge bolady.

Qatysýshylardyń barlyǵyna estelik medaldary tabys etildi. Al, jeńimpazdar medaldar jáne gramotalardan basqa, baǵaly syılyqtar jáne demeýshiler tarapynan aqshalaı sertıfıkattarǵa ıe boldy.