Almatyda Tótenshe jaǵdaılar departamenti men barlyq órt sóndirý bólimshelerinde Ashyq esik kúni ótip jatyr
ALMATY. 1 naýryz. QazAqparat - Almatyda Búkilálemdik azamattyq qorǵanys kúnine oraı, Almaty qalasy Tótenshe jaǵdaılar departamentinde Ashyq esik kúni ótip jatyr.
Kelýshiler nazaryna Almaty qutqarý qyzmetiniń apattyq-qutqarý jumystaryna arnalǵan arnaıy tehnıkalary men jabdyqtary, sondaı-aq Apat medıtsına ortalyǵynyń uıymdastyrýymen jasalǵan dalalyq gospıtal shatyrlary kórsetilip, mekemeniń tynys-tirshiligi tanystyrylýda. Buǵan Almaty qalasynyń mektep oqýshylary shaqyrylǵan.
Búgin sonymen qatar, qalalyq basqarmanyń barlyq órt sóndirý bólimshelerinde arnaıy órt sóndirý tehnıkalarynyń kórsetilimderi ótýde. Sondaı-aq órtke qarsy taqyrypta dárister oqyylyp, balalarǵa órt qaýipsizdik sharalaryn saqtaý jónindegi jadynamalar taratyldy.
Atalmysh shara azamattyq qorǵaý jáne ulttyq qorǵanys qyzmetteri atqaratyn mańyzdy is-sharalarǵa qoǵam nazaryn aýdartý maqsatynda ótkizilýde.
