Almatyda tórt jylǵa sozylǵan sý qubyrynyń qurylysy qashan aıaqtalady

ALMATY. QazAqparat- Almatynyń Jetisý aýdanynda 100 km jýyq sý qubyry men káriz qurylysy 2023 jyldyń qazan aıynyń sońyna deıin aıaqtalady. Bul týraly Almaty ákimi Erbolat Dosaev málim etti, dep habarlaıdy QazAqparat tilshisi.

Shahar basshysynyń aıtýynsha, Jetisý aýdanynda 2019 jyly bastalǵan sýmen qamtý jáne sý burý boıynsha eki problemalyq jobanyń qurylysy aıaqtalýǵa jaqyn.

Saıahat, Mehkombınat jáne 1-JEO aýdanynda uzyndyǵy 57,5 km asfalt tóseý jáne jeliler salý jumystary bitti. Jelilerdi paıdalanýǵa berý qazan aıyna josparlanǵan.

«Seıfýllın - Soltústik aınalma – Rysqulov – Boraldaı kósheleriniń aýmaǵynda aýdannyń ortalyq jáne batys bóligin qamtıtyn sýmen qamtý men sý burý qurylysynyń sapasy turǵyndardyń narazylyǵyn týdyrdy. Merdiger «Elektroremont» JShS byltyr jaýapsyz qyzmet kórsetýshi bolyp tanyldy. Ákimdik qabyldaǵan sharalardyń arqasynda jol tósemin qalpyna keltire otyryp, 39 km jeliniń 31 km-de jumystar aıaqtaldy. Qalǵan 8 shaqyrymdyq jumys qazan aıynyń sońyna deıin bitedi», - dedi qala basshysy.