Almatyda tórt polıtsııa basshysy qyzmetinen bosatyldy

ALMATY. QazAqparat - Almatyda protsessıng ortalyǵynyń bastyǵy qamaýǵa alynǵannan keıin, tórt polıtsııa basshysy qyzmetinen bosatyldy, dep habarlaıdy QazAqparat tilshisi.

«Qamaýǵa alynǵan protsessıng ortalyǵynyń basshysy týraly aıtýǵa quqyǵym joq, óıtkeni tergeýdi sybaılas jemqorlyqqa qarsy kúres qyzmeti júrgizýde. Iá, bizdiń qyzmetkerler ustaldy, tártiptik komıssııa quryldy. Tórt basshy qyzmetinen bosatyldy. Osy sybaılas jemqorlyq áreketteri boıynsha biz jumystar júrgizemiz»,– dedi Almaty qalalyq polıtsııa departamentiniń bastyǵy Qanat Tımemerdenov brıfıngte.

Sonymen qatar, ol polıtsııadaǵy sybaılas jemqorlyq quqyqbuzýshylyqtardyń barlyǵy muqııat tekseriletinin atap ótti.