Almatyda tórt kólik bir-birine soǵylyp, eki adam aýrýhanaǵa tústi
ALMATY. QazAqparat – Almatyda Saın kóshesinde tórt avtokóliktiń qatysýymen jol apaty boldy, dep habarlaıdy QazAqparat tilshisi.
Jol apatynyń vıdeosy jelide tarady.
Qalalyq polıtsııa departamentinde oqıǵa 16 qazan, túngi saǵat 22:00-de bolǵanyn habarlady.
«Toyota Camry avtokóliginiń júrgizýshisi Saın kóshesimen soltústik baǵytta kele jatty. Jubanov kóshesiniń tómengi jaǵynda oryn aýystyrý kezinde Mitsubishi Delica kóligimen soqtyǵysýǵa jol berdi. Soqqynyń ınertsııasymen Toyota Camry FAW Jiefang-ke baryp soǵyldy. Al ol ınertsııa boıynsha ilespe baǵytta kele jatqan basqa Toyota Camry-di soqty», - dedi Almaty qalalyq polıtsııa departamenti anyqtaý basqarmasynyń bastyǵy, podpolkovnık Oljas Sháripov.
Jol apaty saldarynan FAW Jiefang júrgizýshisi men jolaýshysy qalalyq aýrýhanaǵa jetkizildi.
Jol apatynyń mán-jaıyn Áýezov aýdanynyń polıtsııa qyzmetkerleri tekserip jatyr.
