Almatyda tórt Gelandewagen jol boıynda turyp alyp keptelis týǵyzǵan
ALMATY. QazAqparat - Jol ortasynda keptelis týǵyzǵan Gelandewagen júrgizýshilerine aıyppul salyndy, dep habarlaıdy QazAqparat tilshisi.
«17:45 pen 17:48 aralyǵynda ІІD Ortalyq aqparattyq basqarmasyna Tóle bı kóshesi men shyǵys aınalma joly qıylysynda batys baǵytta 4 Mercedes Gelandewagen kóligi turǵany týraly habarlanǵan. Kólikter jol qozǵalysyna kedergi keltirip, keptelis týǵyzǵan», - dedi qalalyq ІІD ákimshilik polıtsııa basqarmasynyń basshysy Jandos Muratalıev.
Onyń aıtýynsha, atalǵan aqparatty tekserý maqsatynda atalǵan ýchaskege mamandandyrylǵan batalonnyń avtoekıpajy jiberildi.
Oqıǵa ornynda 4 avtokólik turǵany anyqtaldy.
«Júrgizýshilerge QR ÁqK 597-babynyń 1-bólimimen ákimshilik hattama toltyryldy. Júrgizýshiler 31 men 43 jas aralyǵyndaǵy er adamdar -Almaty oblysynyń turǵyndary bolyp shyqty. Olar jol erejesin buzǵandaryn birden moıyndaryna aldy. Mundaı áreketterin bilmestikten bolǵanyn túsindirdi», - dedi ol.
