Almatyda tórt balabaqsha men bir jeke mektep salynady
ALMATY. QazAqparat - Almatyda qala qurylysy keńesiniń otyrysynda jańadan mamandandyrylǵan jeke mektep pen birqatar jańa nysandar salynýyna ruqsat etildi, dep habarlaıdy QazAqparat tilshisi.
«528 oryndyq fızıka-matematıka pánderin tereńdetip oqytatyn mamandandyrylǵan jeke mektep Bostandyq aýdany «Ermensaı» shaǵynaýdanynda salynady. Mektepte az qamtylǵan otbasy balalaryna arnap 20 grant bólý qarastyrylǵan», - dep habarlady Almaty ákimdiginiń baspasóz qyzmetinen.
Sondaı-aq, atalǵan keńeste Almaly, Medeý, Bostandyq aýdandarynda kóppáterli turǵyn úı keshenin salýǵa ruqsat berildi. Sonymen qatar, turǵyn úı keshenderi janynan kompanııalardyń jeke qarajattaryna tórt balabaqsha salynady. Eki balabaqsha qurylysy aıaqtalysymen kommýnaldyq menshikke ótkizilmek. Qurylys jumystary kezinde 2000-nan asa jumys orny ashylady. Onyń 100-i turaqty jumys orny bolmaq.
