Almatyda topyraq kóshkini júrip, etnokafe zaqymdaldy
ALMATY. QazAqparat - Almaty qalasy Medeý aýdanynda topyraq kóshkini júrdi, dep habarlaıdy QazAqparat tilshisi.
28 naýryz kúni túski saǵat 15:00 shamasynda Almaty qalalyq tótenshe jaǵdaılar departamentine Medeý aýdany, «Kóktóbe» yqshamaýdanynda ornalasqan «Jaılaý» etno-kafesiniń aýmaǵyna 450-500 tekshe metr topyraq syrǵymasynyń túskeni týraly aqparat tústi.
«Topyraq massasy Kishi Almaty ózenine túsip, ózen arnasyn bógep tastady. Jaýyn-shashyn saldarynan topyraq ylǵaldanyp ketken. Abyroı bolǵanda qaza bolǵandar men zardap shekkender joq. Qazirgi ýaqytta balshyq massasyn tazalaý jumystaryn «Ana Jer Qurylys» JShS (30 adam, 3 birlik tehnıka) júrgizýde. Oqıǵa ornyna Medeý aýdany TJ basqarmasynyń, «Qazseldenqorǵaý» MM bastyǵy bardy»,- dep habarlady departamentten.
«Qazseldenqorǵaý» MM málimetine sáıkes, jaýyn-shashynnyń kóp túsýine baılanysty taý bókterinde qar kóshkini qaýipi saqtalady.
