Almatyda top bolyp fýtbol matchyn tamashalaǵandar jaýapqa tartyldy
ALMATY. QazAqparat – Almatyda jabylyp fýtbol matchyn tamashalaǵandar ákimshilik jazaǵa tartyldy, dep habarlaıdy QazAqparat tilshisi.
Almaty qalalyq Poıtsııa departamentiniń habarlaýynsha, birneshe adam «Football Land» dámhanasynda fýtbol matchyn tamashalap otyrǵanda polıtsııa tekserip kelgen.
«Dámhana basshylyǵy karantın talaptaryna qaramastan jaýapsyzdyq tanytyp, kóp adamnyń bir jerde jınalýyna jol bergen. Shaǵyn fýtbol alańynda 20 adam oıyn oınaǵan, 50 shaqty adam jazdyq alańda otyryp fýtbol tamashalaǵan. Kelýshilerdiń barlyǵy maska taqpaǵan. Áleýmettik qashyqtyq saqtalmaǵan», – dedi PD basshysynyń birinshi orynbasary Nurlan Almasbekov.
Quqyq buzýshylarǵa qatysty QR ÁqbK 425-babymen ákimshilik hattama toltyrylyp, Túrksib aýdandyq polıtsııa basqarmasyna jetkizildi.
