Almatyda tonaýshylyqpen aınalysqan qaraqshylyq top ustaldy
ALMATY. QazAqparat - Almatyda birneshe adamdy tonaǵan qaraqshylyq top ustaldy. Bul týraly qalalyq ІІD baspasóz qyzmetinen habarlady.
Úsh jigit Medeý aýdanynyń 20 jasar turǵynynyń 138 myń teńgesin tartyp alyp jatqan kezde qolǵa túsken.
«Qylmystyq áreketti qasynan ótip bara jatqan Medeý aýdandyq ІІB qyzmetkeri baıqap, tonaýshylyqqa tosqaýyl qoıdy. Úsheýiniń biri sol kezde qolǵa túsken. Qalǵan ekeýi birneshe saǵattan keıin ustaldy. Olardyń bári Іle aýdanynyń turǵyndary bolyp shyqty», -dedi qalalyq ІІD krımınaldyq polıtsııa basqarmasynyń qaraqshylyq shabýyl men tonaýshylyq qylmystaryn ashý bóliminiń basshysy Danııar Qoshalıev.
Baspasóz qyzmetiniń habarlaýynsha, ustalǵandar ózderiniń birneshe qylmystyq áreketke qatysy bar ekendigin moıyndap otyr. Qazir quqyq qorǵaý organdarynyń boljaýynsha, olardyń osy tektes 5 qylmysqa qatystary bar.
