Almatyda Tóleýtaı Raqymbekovtiń saılaýaldy baǵdarlamasy talqylandy

ALMATY. QazAqparat - Prezıdenttikke kandıdat Tóleýtaı Raqymbekov Almatydaǵy agrarlyq ǵylym ókilderimen kezdesti, dep habarlaıdy QazAqparat «Aýyl» partııasynyń baspasóz qyzmetine silteme jasap.

Almatydaǵy Qazaq topyraqtaný jáne agrohımııa ǵylymı-zertteý ınstıtýty jerdiń betki qabatyn zerdelep, onyń qunaryn arttyrý tehnologııasyn ázirleıdi. Tipti, munda álemde teńdesi joq bastamalar da bar. Sonyń arqasynda qazir aýyl sharýashylyǵynda ónimdilik artyp, salanyń boıyna qan júgire bastaǵan.

Ǵylymı-zertetý ınstıtýtynda ǵylymı jumyspen aınalysýǵa barlyq jaǵdaı bar. ıAǵnı, zamanýı qural-jabdyqtarmen qamtylǵan. Prezıdenttikke úmitker endi osyndaı jaǵdaıdy basqa da ǵylymı-zertteý mekemelerinde jasaý kerek deıdi. Sonda ǵana agrarlyq ǵylym men óndiris alǵa basaryna senimdi.

Agrarlyq ǵylym salasynyń ókilderimen kezdesý barysynda salaǵa jas mamandardy tartý, jumyssyzdyqpen kúres jáne jemqorlyqty joıý máseleleri de sóz boldy.