Almatyda tólem termınalyn tonap ketken úsh jigit ustaldy
ALMATY. QazAqparat - Almatyda tólem termınalyn buzyp, ishinen aqsha urlaǵan kúdiktiler ustaldy, dep habarlaıdy QazAqparat tilshisi.
Tólem qurylǵysy Raıymbek dańǵyly boıyndaǵy dárihanalardyń biriniń ishinde ornalasqan. Qaskóıler ǵımaratqa zańsyz kirip, termınaldy buzyp, ol jerden 1 mln 725 myń teńge kóleminde aqshany jymqyrǵan.
«Jedel-izdestirý is-sharalary barysynda qylmysqa qatysy bar 1975, 1986 jáne 1982 jyly týǵan úsh azamat ustaldy. Kúdiktiler qylmysyn moıyndady. Zattaı aıǵaqtar tárkilendi. Qylmystyq is QR QK-niń 188-baby 3-bóligi boıynsha qozǵaldy. Kúdiktilerdiń osyǵan uqsas qylmystarǵa qatystylyǵyn anyqtaý maqsatynda jedel-izdestirý sharalary júrgizilýde», – dedi Jetisý aýdandyq polıtsııa basqarmasy bastyǵynyń orynbasary Ashat Davletıarov.
Eske salaıyq, budan bólek Almatyda aǵashtardy órtegen er adam men qyzdardy tunshyqtyryp, tonap júrgen jigit ustaldy.
