Almatyda Tóle bı kóshesiniń eki bóligi jabylady
ALMATY. QazAqparat - Jylý júıelerindegi jóndeý jumystaryna baılanysty, Almatydaǵy Tóle bı kóshesiniń eki bóligi jabylady, dep habarlaıdy QazAqparat tilshisi.
«Tóle bı kóshesi boıynda 25 tamyz tańǵy 9-dan 27 tamyz tańǵy 6-ǵa deıin Anosov kóshesinen Turǵyt Ózal kóshesine deıinge aralyqta; 25 tamyz saǵat 00-den 27 tamyz saǵat tańǵy 6-ǵa deıin Otar kóshesinen Saın kóshesine (soltústik bóligimen) deıin aralyqta kólik qozǵalysy shekteledi», - dep málim etti «Almaty jylý júıeleri» JShS baspasóz qyzmeti.
Ýaqytsha shekteýler mundaǵy kólik júretin joldyń astyndaǵy magıstraldyq jylý júıelerin josparly túrde jóndeýge baılanysty engizilip jatyr.
Budan bólek, N.Nazarbaev dańǵyly boıynsha ortasha jóndeý jumystaryn júrgizýge baılanysty, 24 tamyz kúngi tańǵy saǵat 8-ge deıin Gogol kóshesinen Tóle bı kóshesine deıingi aralyqta kólik qozǵalysy toqtatylady.
Buǵan deıin habarlanǵandaı, Almatydaǵy ınjenerlik júıelerdiń jóndeý jumystary tamyz aıynyń sońyna qaraı aıaqtalady dep josparlanǵan.
