Almatyda Tóle bı kóshesinen Shyǵys aınalma jolyna shyǵatyn jol aıryǵy salynady
Jobany «KazahPromtransproekt» JShS usynǵan. Jıynda Qala qurylysy keńesiniń músheleri jobany Almaty qalasynyń Bas josparyna sáıkes keledi dep taýyp, biraýyzdan maquldady. Keńes músheleriniń aıtýynsha, Tóle bı kóshesinen shyǵys aınalma jolyna tikeleı shyǵý qaladaǵy kólik tasqynyn azaıtýǵa, Almatynyń ekologııalyq jaǵdaıyn jaqsartýǵa oń yqpal etetin bolady jáne bul aınalma jol tolyq qýatynda jumys istegen kezde munda bir baǵytta táýligine 158 myń avtomobıl ótkizbek.
«Bul joba qurylysyna qatysty barlyq máselelerdi asyqpaı, tereń zerttegen abzal. Ekologııa máselesi birinshi kezekte, sondyqtan barlyq jobany osy másele tóńireginde qaraıtyn bolamyz. Atalǵan jol aıryǵyn salý bizdiń qalamyz úshin óte mańyzdy, sebebi qala jyldam qarqynmen damý ústinde», - dedi qala ákim Ahmetjan Esimov.
Jıyn barysynda jobany jasaýshylarǵa jol aıryǵyn salar kezde jaýynnyń toqtaý sýlaryn, qurylys aınalasyn der kezinde abattandyrý, júrginshi jolyn salý sııaqty máselelerdi eskerý kerektigi atap kórsetildi.
Qala qurylysy keńesiniń tóraǵasy Ahmetjan Esimov Shyǵys aınalma jolynyń qurylysy bıylǵy jeltoqsan aıynda tolyq aıaqtalatyndyǵyn aıtty.
Jıynda qalalyq keńes sonymen qatar, budan ózge saýda oryndary, parkıngi bar eki turǵyn úı qurylysynyń da jobasyn qarady.
«ıAntarnyı kvartal» JShS Ál- Farabı dańǵylynyń soltústigi men Jeltoqsan kóshesiniń batys jaǵyna salynatyn munara tıptes turǵyn úı jobasyn usyndy. Bul úleskerlersiz salynatyn birinshi nysan bolmaq. Ol «Kazkommertsbank» AQ-ymen jasalǵan Memorandým aıasynda júzege asatyn bolady. Al, «Evrazııa Stroı LLP» JShS usynǵan ekinshi joba boıynsha turǵyn kesheni Gogol kóshesi men Masanchı kóshesiniń batysyna salynady.
Eki turǵyn kesheni de qazirgi zamanǵy talaptarǵa saı bolmaq, olar óz ınfraqurylymyna áleýmettik obektilerdi, bala baqshalardy, sport nysandaryn, mektepterdi, sport alańdaryn biriktiretin bolady.
Bulardan ózge qalalyq keńes Dostyq dańǵylynyń batysy men Bógenbaı batyr kóshesiniń ońtústigine ornalasatyn ákimshilik- turǵyn úı kesheniniń jobasyn da qarady. Bul joba biraq, qaıta tolyqtyrýǵa jiberildi.
