Almatyda Tóle bı kóshesindegi arnaıy jolaqtyń naqty iske qosylatyn mezgili belgili boldy
ALMATY. QazAqparat Almaty qalasy ákimdigi Tóle bı kóshesinde qoǵamdyq kólikke arnalǵan jolaqty júrgizý jumystary aıaqtalǵanyn habarlady, dep habarlaıdy QazAqparat.
«Almatynyń jolaýshylar transporty jáne avtomobıl joldary basqarmasy men Almaty qalasy ákimshilik polıtsııasy Tóle bı kóshesi boıymen ıAssaýı kóshesinen Qonaev kóshesine deıin qoǵamdyq kólikterge arnalǵan jolaqtardy júrgizý jumystaryn aıaqtady. Kelisim boıynsha jańa tártippen jolda qatynaý 2016 jyldyń 24 qazanynan bastalady. Oqshaýlanǵan jolaqtar júrginshiler bóliginiń tarylǵan oryndarynda úziletin bolady», delingen habarlamada.
Buǵan deıin qalalyq ákimdik qoǵamdyq kólikter Tóle bı kóshesindegi arnaıy jolaqpen 1 qazannan bastap qatynaıtynyn habarlaǵan. Alaıda, Almatynyń jolaýshylar transporty jáne avtomobıl joldary basqarmasy buǵan deıingi qatelikterdi qaıtalamas úshin qosymsha ýaqyt qajet bolatynyn eskertken.
Aıta keteıik, Almatyda qazirgi ýaqytta Abaı, Raıymbek dańǵyly men Jeltoqsan, Naýryzbaı kóshelerinde arnaıy jolaq bar.
