Almatyda Tóle bı kóshesi demalys kúnderi jabylady
ALMATY. QazAqparat – Almatyda demalys kúnderi Tóle bı kóshesiniń keıbir ýchaskelerinde kólik qozǵalysy shekteledi, dep habarlaıdy QazAqparat tilshisi.
«5 qyrkúıek tańǵy saǵat 7:00-den 7 qyrkúıek tańǵy 6:00-ge deıin Tóle bı kóshesi boıymen shyǵys baǵytta Isaev kóshesinen batysqa qaraı Áıtıev kóshesine deıin jol jabylady»,– dep habarlady Almaty qalasynyń mobıldilik basqarmasy.
Ýaqytsha shekteýler osy kóshedegi magıstral qubyryn josparly aýystyrýmen baılanysty ınjenerlik jelilerdi qaıta jańartý – tozǵan qubyrlardy aýystyrý, qalalyq jylýmen jabdyqtaý júıesiniń jumysyndaǵy táýekelderdi azaıtý úshin qajet.
Basqarma ókilderi turǵyndardy keltirilgen qolaısyzdyqqa túsinistikpen qarap, atalǵan ýchaskelerdi aınalyp ótý jolyn aldyn ala qarastyrýdy suraıdy.
