Almatyda tolassyz jaýǵan jańbyrdan 8 aǵash qulady

ALMATY. QazAqparat - Almatyda jańbyr sýy basqan negizgi ýchaskelerde sý sorylyp, aýmaq jıystyryldy, dep habarlaıdy QazAqparat tilshisi.

«Saǵat 21:00-degi jaǵdaı boıynsha Almatynyń taýly ımaqtarynda 34 mm jaýyn-shashyn tústi, al tamyzda ortasha jyldyq jaýyn-shashyn mólsheri 34 mm bolatyn. Nóser jańbyrdyń saldaryn joıýǵa 1008 jol jumysshysy men 640 tehnıka jumyldyryldy. Sonymen qatar, merdigerler men vedomstvolyq baǵynystaǵy uıymdardyń 52 mobıldi brıgadasy jańbyr sýyn qabyldaıtyn jerlerdi qoqystan tazartyp, jáne de nóserli káriz jáne drenajdyq sýlardy qabyldaıtyn sorǵy stantsııalarynyń jumysyn qamtamasyz etip jatyr»,- dep habarlady qalalyq ákimdikten.

Posmotret etý pýblıkatsııý v Instagram

Pýblıkatsııa ot @dorogi_almaty_official +21🇰🇿 (@dorogi_almaty_official)

Megapolıste jańbyr kezinde 8 aǵash qulap, sol jerler tazalanǵan.

Oqys oqıǵadan eshkim zardap shekken joq.

Qazirgi ýaqytta negizgi sý basqan ýchaskeler sýdan qurǵatylyp, aryq júıelerinen qoqys shyǵarylyp jatyr. Onda túngi kezekshilik qoıyldy.

«Qazgıdromet» RMK boljamyna sáıkes, aldaǵy úsh kúnde arasynda úzilisi bar jaýyn-shashyn mol bolady.

Eske salaıyq, 2023-2024 jyldary 276 shaqyrym aryq jelisin jóndeý jumystary júrgizilip, 100 shaqyrym jańa aryq jelisi salynady.

Búgin Almatyda qatty nóser jaýdy. Jańbyr sýy qala kóshelerin alyp ketti.