Almatyda tolassyz jaýǵan qardy 460 tehnıka kúrep jatyr

ALMATY. QazAqparat - Almatyda túni boıy kommýnaldyq qyzmetter kúsheıtilgen rejımde jumys istedi, dep habarlaıdy QazAqparat qalalyq kommýnaldyq ınfraqurylymdy damytý basqarmasyna silteme jasap.

Jol qozǵalysy qaýipsizdigin qamtamasyz etý úshin qyzmetkerler arnaıy tehnıkanyń kómegimen joldardy kóktaıǵaqqa qarsy materıaldarmen óńdedi.

Osy ýaqytta qala boıynsha qar tazalaýshy mashınalardyń 18 kolonnasy qozǵaldy. Nátıjesinde 1260 tekshe metr qar shyǵaryldy.

Qazirgi ýaqytta qoǵamdyq oryndardy, trotýarlardy, qoǵamdyq kólik aıaldamalaryn, jer ústi jáne jerasty ótkelderin tazartý jumysy jalǵasyp jatyr.

Túnde qala kóshelerinde barlyǵy 360 adam jáne 460 arnaıy tehnıka, onyń ishinde 204 sypyrý-jınaý mashınasy jumys istedi.

Qar tolassyz jaýyp tur. Qalada 15 sm qar jaýdy, taýly jerlerde - 20-25 sm.