Almatyda «Tolassyz ekonomıkalyq bilim: ádistemelik qamtamasyz etýdi jáne bilim berýdi qaıta qurý» taqyrybynda respýblıkalyq konferentsııa ótedi

Shara barysynda sektsııa jumystary, semınarlar, dóńgelek ústel jáne «Bilim júıesindegi ınnovatsııany damytý», «Intelektýaldy ult», «Oqýshyny sabaqqa qyzyqtyrý maqsatynda jańa tehnologııa ádisterin qoldaný», «Pándi oqytýda tulǵanyń dúnıetanymdyq kózqarastarymen ulttyq qundylyqtar turǵysynan qarastyrý» taqyryptarynda sheberlik dárisi ótpek.

Sonymen qatar alqaly jıynǵa QR Bilim jáne ǵylym mınıstrliginiń ókilderi, joǵary oqý oryndardyń rektorlary, «Áleýmettik ǵylym jáne bıznes» mamandyǵy boıynsha ádistemelik bilim keńesiniń músheleri, shetel oqý oryndarynyń ókilderi, kolledj jáne orta mektep dırektorlary men oqytýshylary, bıznes-bilim baǵdarlamasyn uıymdastyrýshylar qatyspaq.

Jıynǵa qatysýshylarǵa arnap sheteldik jáne otandyq ádistemelik bilim berý baǵdarlamalarynyń tusaýkeseri ótip, ekonomıka men bıznes ádebıetteriniń kórme-jármeńkesi, sporttyq jáne mádenı sharalar uıymdastyrylmaq.