Almatyda Toqtar Áýbákirovtyń ǵaryshqa ushqanyna 20 jyl tolýyna arnalǵan kórme ashyldy
ALMATY. 5 qazan. QazAqparat /Názıra Eleýhan/ - Búgin Almatyda qala tarıhy murajaıynda Qazaqstan Respýblıkasy táýelsizdiginiń 20 jyldyǵyna oraı qazaqtyń tuńǵysh ǵaryshkeri Toqtar Áýbákirovtyń ǵaryshqa ushqanyna 20 jyl tolýyna arnalǵan «Ǵaryshty baǵyndyrǵan tuńǵysh qazaq» atty kórme ashyldy.
Kórmege Almaty qalasy tarıhynyń mýzeıi qoryndaǵy jáne Qazaqstan Respýblıkasy Taǵamtaný ınstıtýty men №23 mekteptiń 10 synyp oqýshysy Balahmetov Álibektiń jeke jınaq qorynan alynǵan biregeı jádigerler - ǵaryshkerlerdiń taǵam túrleri, qujattyq derekter men fotosýretter, ǵarysh salasynan syr shertetin zattar, Toqtar Áýbákirov jaıyndaǵy kitaptar men jýrnaldar qoıylǵan.
Kórmeni ǵaryshkerdiń ózi kórip shyǵyp, óz baǵasyn berip, uıymdastyrýshylarǵa alǵysyn bildirdi.
Kórmeniń ashylý saltanatyna qala mektepteriniń oqýshylary, qala turǵyndary men qala qonaqtary keldi.
Shara barysynda ǵaryshker: "Men ómirde balalyq armanym men maqsatym oryndalǵan "baqytty" adammyn. KSRO-nyń eń úzdik ushqysh synaqshylardyń ondyǵyna kirdim. Ol ekiniń biriniń qolynan kele bermeıtin nárse. Jetken jetistikterim ustazdarymnyń arqasy. Sondyqtan qurmetti oqýshylar senderge ómirde "eń jaqsy degen ustazdar" men "adal dostardy" tileımin",-dedi.
