Almatyda toǵyzqumalaqtan jasóspirimder arasynda qalalyq saıys ótedi
ALMATY. QazAqparat - 21 sáýir kúni «Almaty Arena» sport saraıynda toǵyzqumalaqtan qalalyq jasóspirimder týrnıri ótedi, dep habarlaıdy QazAqparat tilshisi.
Almaty qalasy Dene shynyqtyrý jáne sport basqarmasynyń habarlaýynsha, týrnırge qalanyń úzdik toǵyzqumalaqshysy №157 mektep-gımnazııanyń 11 synyp oqýshysy Áıgerim Álimjan qatysady.
Oıyn toǵyzqumalaqtyń rapıd túrinen, 7 týrdan, shveıtsarııalyq júıe boıynsha, úsh jas ereksheligi: 10, 12, 14 jastan joǵary qyzdar, uldar arasynda ótedi.
Týrnır aıasynda «Almaty Arena» sport kesheninde Mýsrıat Elıbakıev atyndaǵy shahmat jáne toǵyzqumalaq klýbynyń ashylýy bolady.
Aıta keteıik, toǵyzqumalaq 4000 jyldyq tarıhy bar qazaq halqynyń ulttyq oıyny. Bul oıyn túrki tildes halyqtar arasynda keń taraǵan. Búgingi tańda toǵyzqumalaqtan Halyqaralyq, Respýblıkalyq, oblystyq, qalalyq federatsııalar jumys jasaıdy. Almaty qalasynda №16 olımpıada rezerviniń jasóspirimder mektebinde toǵyzqumalaq bólimi bar. Jyl saıyn toǵyzqumalaqtan respýblıkalyq, qalalyq chempıonattar, týrnırler ótkizilip turady.
