Almatyda toǵyz qabatty turǵyn úıden 65 adam evakýatsııalandy
ALMATY. QazAqparat – Búgin Almatynyń «Aqkent» yqsham aýdanynda ornalasqan toǵyz qabatty turǵyn úıden órt shyqty. Bul týraly qalalyq TJD málim etti, dep habarlaıdy QazAqparat tilshisi.
Órt týraly habarlama saǵat 14:30-da túsken.
«Qutqarýshylar jetkende 7-qabattaǵy páterdiń lodjıi – jalpy alańy 10 sharshy metr jer órtenip jatqany jáne 8-9 qabattarǵa taralý qaýpi anyqtaldy. Adamdardy evakýatsııalaý men qutqarý jumystary júrgizildi. Qabyldanǵan sharalardyń nátıjesinde 7 adam qutqarylyp, 65 adam, onyń ishinde balasy bar áıel evakýatsııalandy. Órt 15:02-de tolyǵymen sóndirildi. Órttiń shyǵý sebebi anyqtalyp jatyr» delinedi qalalyq TJD habarlamasynda.
Almaty qalalyq TJD órt qaýipsizdiginiń qarapaıym erejelerin saqtaýdy, ıaǵnı elektr quraldaryn qosýly kúıde qaraýsyz qaldyrmaý, balkondardy janǵysh materıaldarmen qaptamaý jáne temeki shekpeý týraly eskertti.
Eske salaıyq, Almatyda jeke turǵyn úıdiń aýlasynan órt shyqqan bolatyn.
Sondaı-aq, Almatyda kópqabatty úıdiń shatyryndaǵy órtti 40 adam jabylyp sóndirgen edi.
