Almatyda toǵannan er adamnyń denesi tabyldy

ALMATY. QazAqparat - Almatyda Terrenkýr toǵanynan er adamnyń denesi tabyldy, dep habarlaıdy QazAqparat tilshisi.

«Atalǵan derek boıynsha Medeý aýdandyq polıtsııa basqarmasy tergeýdi bastady. Qazirgi ýaqytta qaıtys bolǵan azamattyń kim ekeni anyqtaldy. Ol 1963 jyly týǵan. Aldaǵy ýaqytta oqıǵanyń mán-jaıy anyqtalady. Tıisti saraptamalar taǵaıyndaldy», - dedi Almaty qalalyq PD resmı ókili Saltanat Ázirbek.

Aıta ketsek, sý betinde qalqyǵan máıitti sol mańaıda demalyp júrgen turǵyndar baıqap, vıdeoǵa túsirip alǵan.

Al, buǵan deıin Almatyda samokatpen kele jatqan 27 jastaǵy boıjetken toqtap turǵan kóliktiń esigine soǵylyp, alǵan jaraqatynan kóz jumdy dep habarlaǵan bolatynbyz.