Almatyda tóbeles shyǵarǵan avtobýs júrgizýshisi men kondýktordan jaýap alynyp jatyr
ALMATY. QazAqparat - Almatyda tóbeles shyǵarǵan avtobýs júrgizýshisi men kondýktor ustaldy, dep habarlaıdy QazAqparat tilshisi.
Qalalyq ІІD baspasóz qyzmetiniń habarlaýynsha, tóbeles Arman kınoteatry mańynda bolǵan. №12 marshrýt júrgizýshisi men kondýktory salondaǵy jastarmen tóbelese jónelgen.
Kýágerlerdiń aıtýynsha, kondýktor jastardyń mektep oqýshysy ekenine senbegen.
Daýlasqandar sońǵy aıaldamada máseleni «sheshýge» ýaǵdalasqan. Judyryqtasa jónelgen adamdardy syrtta turǵan adamdar ajyratýǵa tyrysty.
Tóbeleste jas jigit pen boıjetken japa shekti.
«Oqıǵa QR QK 293-baby boıynsha sotqa deıingi tergeý isi reestrine tirkeldi. Daý-janjaldy bastaǵan 30 jastaǵy júrgizýshi men 23 jastaǵy kondýktordan jaýap alynyp jatyr. Aldyn ala tergeý boıynsha, tóbeles júrgizýshi men jolaýshylar arasynda daý-janjaldan bastalǵan», - dedi Medeý aýdandyq ІІB basshysy Bolat Totybaev.
