Almatyda TMD Parlamentaralyq Assambleıasynyń mereıtoılyq otyrysy bastaldy
Saltanatty otyrysqa TMD PAA Keńesiniń tóraǵasy, RF Federaldyq jınalysy Federatsııa Keńesiniń tóraǵasy Valentına Matvıenko bastaǵan TMD PAA qatysýshy elderdiń parlamenttik delegatsııalarynyń basshylary qatysýda.
Shara tarıhı jerde ótip jatyr. Sebebi, 1992 jylǵy 27 naýryzda dál osy Almatyda Qazaqstan, Armenııa, Belarýs, Qyrǵyzstan, Reseı, Tájikstan jáne Ózbekstan parlamentteriniń tóraǵalary TMD Parlamentaralyq Assambleıasyn qurý týraly kelisimge qol qoıdy. Keıinirek olarǵa Ázerbaıjan men Moldova parlamentshileri qosyldy.
Assambleıa Dostastyq parlamentshilerdiń ózara is- qımyly, saıası, áleýmettik- ekonomıkalyq jáne ortaq múddeni bildiretin basqa da máselelerdi talqylaıtyn basty alańǵa aınaldy.
Assambleıa Táýelsiz Memleketter Dostastyǵynyń memleketaralyq organy. Jáne ol qatysýshy memleketterdiń Parlamenttik delegatsııasynan qurylǵan.
Úlgi zańdar men basqa da qujattardy ázirleý - TMD PAA-nyń negizgi mindetteriniń biri. Assambleıa qabyldaǵan qujattar baǵyt-baǵdar retinde qyzmet etedi. Qazirgi ýaqytta Parlamentaralyq Assambleıa 600-den astam úlgi qujatty qabyldady.
Saılaý men referendýmdardy baqylaý – Assambleıa jumysynyń taǵy bir mańyzdy baǵyty. Sonymen qatar TMD elderindegi saılaý protsesterine monıtorıng júrgizedi.
