Almatyda TMD kólemindegi eń iri ІІ qaıyrymdylyq baly ótedi
ALMATY. 19 qarasha. QazAqparat /Názıra Eleýhan/ - Erteń, 20 qarashada Almatyda Almaty Towers kesheninde osymen ekinshi ret TMD kóleminde eń úlken qaıyrymdylyq baly bolyp tabylatyn kesh ótedi. Qaıyrymdylyq sharanyń jylda uıymdastyrylýy Qazaqstannyń álemdegi bedeliniń óse túsýine sebepshi bolatyny sózsiz. Biz bıylǵy balǵa daıynbyz.
Búgin Almatyda ótken arnaıy baspasóz máslıhatynda atalmysh sharanyń uıymdastyrýshysy, «Eventica» kompanııasynyń bas dırektory Marat Omarov osylaı málim etti.
Onyń aıtýynsha, balǵa qatysýshylar túgelge jýyq kelip te qoıǵan. "Balda óner kórsetetin 40 ónerpaz, sonymen qatar shet elden kelgen 100-den asa qonaq keshke daıyndalýda. Bizdiń eń basty tosyn syılyǵymyz - myńdaǵan tyńdarmandardyń júregin jaýlap alǵan ıtalıandyq tenor Alessandro Safına da keldi, sonymen qatar syıly qonaqtarymyzdyń biri bolyp tabylatyn ıÝNISEF halyqaralyq izgi nıet elshisi, Djeıms Bond rólin somdaǵan akter Rodjer Mýr da Almatyda. Erteń tańerteń Lıýdmıla Artemova men Oksana Fedorovalar keledi. Qalǵan qonaqtardyń barlyǵy osynda. Bıyl sonymen qatar sheteldik BAQ-tar qatysýǵa usynystaryn bildirgen bolatyn, olar da keldi. Biz olardyń qyzyǵýshylyǵyn baldyń halyqaralyq deńgeıde tanymal bola bastaǵany dep bilemiz",- dedi ol.
Onyń aıtýynsha, daıyndyqtar joǵary deńgeıde ótýde. "Ózimiz tipti asyǵa kútýdemiz. Báriniń kóńil-kúıleri jaqsy. Erteń naǵyz merekeli kún bolatynyna senimdimin. Aıta ketetinim, erteńgi keshti búkil Qazaqstan tikeleı efır arqyly NTK arnasynan kóre alady, 3 ret arnaǵa qosylatyn bolamyz", -dedi Marat Omarov. Onyń aıtýynsha, erteńgi balda Frantsııadan arnaıy kelgen baletmeıster Gedemınas Tarandanyń debıýtanttarǵa qoıǵan qoıylymy úlken áser qaldyrmaq.
Baspasóz máslıhaty barysynda Qazaqstanda áli eshqashan óner kórsetpegen ıtalıandyq tenor Alessandro Safına, "keshte 4 án oryndaımyn. Árıne kesh barysynda álemge hıt bolyp, tyńdarmandardyń súıikti ánine aınalǵan Luna ánimdi de oryndaıtyn bolamyn. Birneshe kúnnen bergi daıyndyqtan keremet lázzat aldym. Bul bal jalǵasyn tabady degen senimdemin", - dedi.
Buǵan deıin habarlaǵanymyzdaı, saltanatty sharaǵa bas-aıaǵy 1000-nan astam adam qatysady dep kútilýde. Olardyń ishinde elimizge tanymal iskerler qaýymdastyǵynyń ókilderi, saıasatkerler, ǵylym men mádenıet qaıratkerlerimen qosa, reseıdiń teatr, kıno juldyzdary bar.
Balǵa qatysamyn degen kez kelgen adamǵa esik ashyq. Kirý bıletiniń quny bıyl 50 myńnan 120 myń teńgege deıin. Bılet satylymdarynan túsken tabystyń bir bóligi Qazaqstandaǵy ıÝNISEF baǵdarlamalar aıasynda múmkindikteri shekteýli balalar qoryna aýdarylatyn bolady. Sharanyń maqsattarynyń biri - qaıyrymdylyq qozǵalysyn damytý. Birinshi qaıyrymdylyq bal Almaty qalasynda 2009 jyldyń 21 qarashasynda ótti. Oǵan 2 myńnan astam qonaq jınalyp, TMD elderindegi eń iri balǵa aınaldy.
