Almatyda TMD-ǵa múshe elderdiń jastar forýmy ótedi
Forýmǵa jastar uıymdarynyń ókilderi, jas kásipkerler, eriktiler, memlekettik organdardyń ókilderi, buqaralyq aqparat quraldary, Ázirbaıjan, Reseı, Belarýs, Qyrǵyzstan, Ózbekstan jáne Qazaqstannan kelgen shyǵarmashylyq jastar qatysady.
Іs-sharanyń birinshi kúninde (12 qyrkúıek) Qazaqstan-Reseı jastar yntymaqtastyǵy kúnine arnalady, onyń aıasynda jastar saıasatyn iske asyrýdyń ózekti máseleleri talqylanady. Budan basqa, Qazaqstan men Reseıdiń jastar uıymdary arasynda memorandýmdarǵa qol qoıý josparlanyp otyr.
Іs-sharanyń maqsaty - kommýnıkatıvtik pikirtalas alańyn qurý jáne TMD-ǵa múshe elderdiń jas kóshbasshylary arasyndaǵy mádenıetaralyq dıalogty qalyptastyrý, jastar uıymdary men jas kóshbasshylardy biriktirý;
13 qyrkúıekte TMD múshe elderiniń jastar forýmynyń resmı ashylýy ótedi, sondaı-aq ulttyq jáne sheteldik sarapshylardyń qatysýymen «Qazirgi zamanǵy týrızmniń trendteri», «Eriktilik - ómir salty», «Jastar jáne bıznes», «Aqparat aǵyndaryndaǵy jastar» taqyryptarynda pikirtalastyq alań jumysy uıymdastyrylady.
