Almatyda TMD elderindegi alǵashqy NR (Hewlett-Packard) ǵylymı-oqý ortalyǵy ashylady
ALMATY. 17 sáýir. QazAqparat - Búgin Almatydaǵy ál-Farabı atyndaǵy Qazaq ulttyq ýnıversıtetiniń Mehanıka-matematıka fakýltetinde NR kompanııasynyń «NR Tehnologııa ınstıtýty» baǵdarlamasy aıasynda NR ǵylymı-oqý ortalyǵy ashylady.
Onyń basty maqsaty - biliktiligi joǵary mamandar ázirleý jáne NR usynatyn baǵdarlamalar negizinde stýdentter men oqytýshylardyń zamanaýı baǵdarlamalardy meńgerýine jaǵdaı jasaý. Ol sońǵy úlgidegi HP ProLiant 460c server bleıd qural-jabdyqtarmen, baǵdarlamalyq jasaqtamamen qamtamasyz etilgen. P2000 málimetterdi saqtaý bazasy, toraptyq quraldarmen (symsyz jelilerge arnalǵan quraldar), oqytýshylar men stýdentterge arnalǵan personaldy kompıýterlermen jabdyqtalǵan. Oqý orny ««NR Tehnologııa ınstıtýty» baǵdarlamasyna 2012 jyldyń mamyr aıynda qosylǵan bolatyn. Bul NR-dyń Ortalyq jáne Shyǵys Eýropanyń jetekshi ýnıversıtetterdegi 30-shy ǵylymı-oqý ortalyǵy bolyp otyr. Qazaqstan ǵana emes, kúlli TMD elderindegi tuńǵysh ortalyqta NR ATA (Accredited Technical Associate) baǵdarlamasy endirilgen.
