Almatyda TMD-daǵy eń ozyq 15 joǵary óndiristik júıege kiretin sýperkompıýter ashyldy
ALMATY. Naýryzdyń 17-si. QazAqparat /Erlik Erjanuly/ - Búgin Almatydaǵy Qazaq-Brıtan tehnıkalyq ýnıversıtetinde ІVM Dlade Center tuǵyrnamasyndaǵy sýperkompıýter iske qosyldy,
dep habarlaıdy QazAqparat.
Ýnıversıtet rektory Eskendir Beısembetovtiń sózine qaraǵanda, bul joǵary óndiristik sýperkompıýter QBTÝ-dy Qazaqstan ekonomıkasyn jańartýdyń ıntellektýaldyq ortalyǵyna aınaldyrýǵa múmkindik beredi. Alǵashqy kezde munaıgaz kompanııalarynyń suranysyn qamtamasyz etetin sýperkompıýterdiń ıgilikteri bolashaqta qoǵamnyń basqa salalarynda paıdalanylatyn bolady. Joǵary oqý ornynyń Basqarýshy dırektory Bazarbek Ýataıdyń aıtýynsha, ІVM-niń kompetentsııalyq ortalyǵy qazirgi tańda álemde Almaty, Dýbaı, Máskeý jáne Parıj qalalarynda bolsa, zerthanalyq zertteýleri Soltústik Amerıka qurlyǵynda - 3, Eýrazııa qurlyǵynda - 6 jerde júrgiziledi. Almaty búgingi tańda álemde ІVM-niń kompetentsııalyq ortalyǵy men zerthanalyq zertteý orny qatar ornalasqan jalǵyz qala bolyp otyr.
