Almatyda TQO-da bolǵan órtte úsh avtokólik zaqymdanyp, bireýi janyp ketti
TANA. 11 qazan. QazAqparat - Almatynyń Bostandyq aýdanynda ornalasqan «Nurjanov» jeke kásipkerliginiń «RM» tehnıkalyq qyzmet kórsetý ortalyǵynda iri órt boldy.
QR TJM-nyń baspasóz qyzmetinen málim etkendeı, órt 10 qazan kúni saǵat 21.52-de lakpen syrlaý kamerasynda tutanyp, ǵımarattyń shatyryna aýysqan.
Jalyn saǵat 23.36-da aýyzdyqtaldy. Onymen kúreske QR TJM Almaty qalasy boıynsha TJD órtke qarsy qyzmetiniń 37 adamy men 9 tehnıkasy jumyldyryldy. 350 sharshy metrdi jalmaǵan tilsiz jaý saldarynan 4 avtokólik zaqymdandy, onyń bireýiniń qańqasy ǵana qaldy. Qutqarýshylar anyqtaǵandaı, oqıǵadan zardap shekken adamdar joq.
