Almatyda tirkelmegen 379 jarnama nysany anyqtaldy
ALMATY. QazAqparat- Sáýir aıynyń ishinde Almaty qalasynda tirkelmegen 379 jarnama nysany anyqtaldy, dep habarlady Almaty qalasy boıynsha salyq departamentiniń baspasóz qyzmetinen.
Osy tekseris nátıjesinde bıýdjetke qosymsha 8 mln teńge salyq tólendi.
Salyq zańnamasyna sáıkes, jarnama nysandaryn tek jergilikti atqarýshy organdardyń ruqsaty negizinde ǵana ornatýǵa bolady. Eger tıisti qujat joq bolyp shyqsa, biraq soǵan qaramastan syrtqy (kózben kórýge bolatyn) jarnama nysandary ornatylatyn bolsa, bul, olardyń ıelerinen salyq óndirip alýǵa tolyq negiz bola alady.
Esterińizge sala keteıik, Almaty qalasynda syrtqy (kózben kórýge bolatyn) jarnama nasandaryn ornalastyrýǵa ruqsatty qalalyq sáýlet jáne qala qurylysy basqarmasy beredi. Osy basqarmanyń maǵlumaty boıynsha salyq organdary jarnama nysandarynyń ıelerine qatysty aı saıyn bıýdjetke tólenetin tólemderdi esepteıdi.
Almaty qalasy boıynsha salyq departamenti qalalyq sáýlet jáne qala qurylysy basqarmasymen birlese otyryp, qalada tirkelmegen jarnama nysandaryn anyqtaý jáne olardyń ıelerine salyq tólettirý jumystaryn odan ári jalǵastyrýda.
