Almatyda Tımýr Segizbaevtyń júldesi úshin fýtboldan jasósipirimder týrnıri ótip jatyr
ALMATY. 14 maýsym. QazAqparat - Búgin Almatyda fýtboldan 2002 jyly týǵan jasóspirimder arasynda Tımýr Segizbaevtyń júldesi úshin ótip jatqan týrnırdiń jartylaı fınaldyq oıyndary ótedi.
Onda «Qaırat-2» men «Qaırat» MFK, «KDıÝSSh-3» pen «Qaırat-1» aqtyq fınalǵa shyǵý úshin talasady. Bul oıynda jeńiske jetkender erteń aqtyq synda birinshi oryndy, al jeńilgenderi úshinshi oryndy sarapqa salatyn bolady. Búgin sondaı-aq, «TsSKA» men «FShM» 5-shi orynǵa, «Eńbek» pen «Jeńis-Atletık» 7-shi oryn úshin ózara kúsh synasady.
On birinshi maýsymda bastalǵan bul baıraqty básekede «Qaırat-1» «Qaırat» MFK-ni 2:0, al «Enbekti» 9:0 etip utqan bolatyn. «Qaırat-2» «KDıÝSSh-3» komandasyna 0:2 bop utylǵanymen, "FShM" komandasynan 3:0, «KDıÝSSh-3» komandasynan 9:1, «Jeńis-Atletık» komandasynan 4:0 esebimen basym tústi. "Qaırat" MFK bolsa "Qaırat-1" fýtbolshylaryna utylǵanymen «TsSKA» aıaqdopshylaryn 5:0 esebimen tize búktirdi. «KDıÝSSh-3» «Qaırat-2» komandasyn aldymen 0:2 etip utyp, ekinshi kezdesýde 1:9 bop jeńildi, al aqtyq synda «FShM» komandasynan 4:2 esebimen basym túsken bolatyn.
