Almatyda «Tili myqtynyń - eli myqty» atty semınar ótti
ALMATY. 1 qazan. QazAqparat - Almatyda Almaty oblysy boınysha kedendik baqylaý departamenti Ortalyq Azııa Ýnıversıtetimen birlese otyryp, memlekettik tildi damytý jáne nasıhattaý maqsatynda «Tili myqtynyń - eli myqty» taqyrybynda semınar ótkizdi.
Qazaqstan Respýblıkasyndaǵy tilderdi damytý jáne qoldanýdyń 2011-2020 jyldarǵa arnalǵan Memlekettik baǵdarlamasynyń birinshi kezeńin iske asyrý maqsatyna sáıkes memlekettik tilde oqytý ınfraqurylymyn oqytý ádistemesin jetildirý jáne standarttaý jolymen damytý josparlanyp otyr.
Bul baǵdarlamanyń aıasynda Almaty oblysy boıynsha KBD men Ortalyq Azııa Ýnıversıteti qyzmetkerlerdi QR Qarjy mınıstrliginiń Kedendik baqylaý Komıteti bekitken oqý jospary boıynsha oqytady. Onyń barysynda kedendik is boıynsha termınderdi zertteý, jumysta qajetti is qaǵazdaryn, qujattardy resimdeýge kóp kóńil bólinedi.
Sharaǵa Almaty oblysy boıynsha KBD apparatynyń basshylyǵy men qyzmetkerleri, Ortalyq Azııa Ýnıversıtetiniń oqytýshylary qatysty.
