Almatyda Tilendıev kóshesi men Rysqulov dańǵylyndaǵy jol qozǵalysyna ózgerister engiziledi
Rysqulov dańǵyly men Emtsov kóshesiniń qıylysyndaǵy jolaıryǵy boıymen kólik qozǵalysy ashylǵannan keıin qosalqy kósheler men qıylystardaǵy jol qozǵalysyna testilik rejımde ózgerister engizilgen bolatyn.
Atalǵan jumystar aıasynda Tilendıev kóshesi qıylysyndaǵy baǵdarsham nysany sóndirildi. Bul sharalar Rysqulov dańǵylynyń ótkizý qabiletin arttyrýǵa baǵyttalǵan.
Kórsetilgen aýmaqta standarttarǵa sáıkes qıylystan shyǵysqa qaraı 250 metr, batysqa qaraı 150 metr qashyqtyqta jolústi jáne jolasty jolaýshylar ótkeli ornalasqan.
Qalyptasqan kólik jaǵdaıy men jergilikti turǵyndardyń ótinishi boıynsha atalǵan qıylystaǵy kólik qozǵalysyna ózgerister engizý týraly sheshim qabyldandy.
Rysqulov dańǵylyn kesip ótý úshin Nemırovıch-Danchenko kóshesinde shyǵysqa qaraı baǵdarsham iske qosylady.
Nemırovıch-Danchenko kóshesi boıymen kólik qozǵalysy kezinde soltústik baǵytta tikke, solǵa jáne ońǵa júrýge múmkindik jasalady, Ońtústik baǵytta Jańaarqa kóshesimen qozǵalys kezinde tek ońǵa burylýǵa bolady.
Baǵdarsham osy rejımde 2022 jylǵy qańtardyń aıaǵyna deıin jumys isteıdi. Osy aralyqtaǵy kólik qozǵalysy jaǵdaıy týraly esep alynǵannan keıin atalǵan aýmaq úshin ońtaıly kólik qozǵalysy rejımi bekitiletin bolady.
Atalǵan sharalardyń negizgi maqsaty - jol qozǵalysy qatysýshylarynyń qaýipsizdigin qamtamasyz etý jáne jol jelisiniń ótkizý qabiletin arttyrý.
