Almatyda tilderdi oqytý máselelerine arnalǵan halyqaralyq ǵylymı-tájirıbelik konferentsııa ótedi
ASTANA. Sáýirdiń 8-i. QazAqparat - Sáýirdiń 9-y kúni Almatyda «Tilderdi oqytýdyń tıimdi strategııasy, qazirgi joldary men jańa ádisteri» atty halyqaralyq ǵylymı-tájirıbelik konferentsııa ótedi,
dep habarlaıdy QazAqparat QR Bilim jáne ǵylym mınıstrligine silteme jasap.
Konferentsııany «Study INN» bilim berý kompanııasy Cambridge University Press jáne «Study Group» halyqaralyq bilim berý korporatsııasymen birlesip uıymdastyryp otyr. Onyń barysynda tilderdi oqytý salasyndaǵy ınnovatsııa, tilderdi oqytý úrdisindegi qazirgi oqýlyq pen onyń róli jáne tildi tájirıbede qoldaný máseleleri qozǵalatyn bolady.
Halyqaralyq deńgeıdegi is-sharanyń mindet-maqsattary - Cambridge University Press shyǵarǵan oqý ádebıettermen tanystyrý, halyqaralyq tájirıbelermen bólisý, sondaı-aq eń jańa ári eń úzdik ádistemelerdi qoldaný arqyly Qazaqstanda tildi oqytý standarttaryn jaqsartýǵa septigin tıgizý jáne Qazaqstannyń oqý oryndaryn bitiretinderdiń til bilý deńgeıin jaqsartý.
Álemdegi eń kóne baspa oryndarynyń biri retinde Cambridge University Press tilderdi oqytý salasyndaǵy eń úzdik baspa bolyp tabylady. Ol sondaı-aq, akademııalyq ádebıetterdi, oqytýshylarǵa arnalǵan serııalar men lıngvıstıka salasyndaǵy jańa ádistemelik oqýlyqtardy (grammatıkalyq oqý quraldary, sózdikter, ózdigimen úırený oqýlyqtary) shyǵarýmen álemge áıgili.
