Almatyda «Tildaryn - 2010» qalalyq olımpıadasy ótti
ALMATY. Qyrkúıektiń 10-y. QazAqparat /Erbol Turymbetov/ - Keshe Almaty qalasy Almaly aýdanyndaǵy №36-shy mektepte «Tildaryn - 2010» atty úshtildi konkýrsy ótti, dep habarlaıdy QazAqparat.
Ony Almaly aýdandyq ákimdigi atalmysh mekteppen birlese uıymdastyryp otyr. Sharanyń maqsaty jastar arasynda memlekettik til saıasatyn keńinen nasıhattaý, qazaq tiliniń qoldaný aıasyn keńeıtý men daryndy jastarǵa qoldaý kórsetýge baǵyttalǵan.
«Bolyp jatqan konkýrsqa medetsınalyq ýnıversıtet, Qyzdar pedagogıkalyq ýnıversıteti, Almaty tehnologııalyq Ýnıversıteti men basqa da oqý oryndarynan úmitkerler qatysýda. Osy jarysty uıymdastyrý arqyly daryndy jastarǵa qoldaý kórsetip, olardyń ári qaraıǵy jarqyn bolashaǵyna kómek kórsetkimiz keledi. Jáne de memlekettik tildi keńinen qoldaný jaıyn osy jastardyń arasynda qalyptastyrýdy kózdeımiz», deıdi Almaly aýdandyq qazaq tili qoǵamy tóraǵasynyń orynbasary Batıha Jaqypbekqyzy.
Saıysqa 18 ben 30 jas aralyǵyndaǵy 20 úmitker qatysty. Úmitkerler berilgen taqyrypqa tusaýkeser (prezentatsııa), berilgen taqyryp boıynsha esse jazý, berilgen taqyryp boıynsha baspasóz máslıhatyn ótkizý jáne mátinge ilespe aýdarma jasaý talaptary boıynsha synǵa tústi. Jeńimpazdarǵa dıplom men arnaıy syılyqtar tabys etildi. Konkýrs jeńimpazy endi osy aıdyń 16-synda ótetin qalalyq konkýrsqa qatysatyn bolady.
