Almatyda «til men kózden saqtaıtyn» alaıaq ustaldy
ALMATY. QazAqparat - Almatyda til men kózden saqtaımyn dep eldi aldaǵan alaıaq ustaldy, dep habarlaıdy QazAqparat tilshisi.
34 jastaǵy Almaty oblysynyń týmasy Áýezov aýdanynda «qyzmet» etip kelgen.
Onyń aıtqanyna sengen adamdar árbir «qyzmeti» úshin qomaqty qarajat tólep otyrǵan.
«Negizinen ol áıelderdi aldap kelgen. Atap aıtqanda, ol til men kózdi, dýany alyp, bolashaqty boljap berip otyrǵan. Tipti bir adamnan kelinshek 200 myń teńge alǵan. Alaıda, onyń kórsetken qyzmetinen esh nátıje bolmaǵan. Sóıtip aldanǵan áıelder polıtsııaǵa aryzdanǵan. Qazir oǵan qatysty QR QK 190-baby boıynsha alaıaqtyq jasady degen aıyppen qylmystyq is qozǵaldy. Eger osy áıeldiń qyzmetinen japa shekken adamdar bolsa, 298-53-00; 298-53-01 jáne 298-53-02 telefondaryna habarlasýyn suraımyz», - dedi Áýezov aýdandyq polıtsııa basqarmasynyń basshysy Álisher Tursynbetov.
Polıtsııanyń aıtýynsha, áıelder onyń qyzmeti jaıly uzynqulaqtan bilip otyrǵan.
