Almatyda «Til, mádenıet jáne ulttyq qaýipsizdik» atty halyqaralyq ǵylymı-ádistemelik semınar ótedi
ALMATY. 23 sáýir. QazAqparat /Ádilet Musahaev/ - Atalǵan sharany Lomonosov atyndaǵy Máskeý ulttyq ýnıversıteti men ál-Farabı atyndaǵy Qazaq ulttyq ýnıversıteti, Qoldanbaly lıngvıstıka jáne mádenıaralyq qarym-qatynas ortalyǵy uıymdastyrady.
Sharany ótkizýdegi negizgi maqsat - qazirgi lıngvıstıka ǵylymynyń tilin meńgerý, oqytý ádistemesi, aýdarma jáne mádenıaralyq qarym-qatynastyń ınnovatsııalyq tájırıbesin paıdalaný, ǵylymı izdenisterdi halyqaralyq deńgeıde júzege asyrý.
Semınardy M.V. Lomonosov atyndaǵy MUÝ-dyń shet tilder jáne aımaqtaný fakýltetiniń dekany, professor S.G. Ter-Mınasova ótkizedi. Semınar aǵylshyn jáne orys tilderinde ótedi.
Semınar sońynda Lomonosov atyndaǵy Máskeý ulttyq ýnıversıteti men ál-Farabı atyndaǵy Qazaq ulttyq ýnıversıtetiniń sertıfıkaty beriledi.
