Almatyda terrorızmge qarsy oqý-jattyǵýlar ótýde

ALMATY. QazAqparat - Almatynyń Jetisý aýdanynda lańkestikke qarsy oqý-jattyǵýlar ótkiziledi. Bul týraly Almaty qalalyq terrorızmmen kúres jónindegi jedel shtabtan málim etti, dep habarlaıdy QazAqparat tilshisi.

«30 naýryz kúni Almatynyń Jetisý aýdanyndaǵy Qozybaev kóshesi, 276 A úıinde ornalasqan «Óndiristik-ákimshilik ǵımarat» nysanynda lańkestikke qarsy is-qımyl boıynsha oqý-jattyǵýlar ótedi. Ondaǵy maqsat - lańkestik bola qalǵan jaǵdaıda adam kóp shoǵyrlanǵan jerde áreket etý daǵdylaryn pysyqtaý. Oqý-jattyǵýlardy ótkizý barysynda shekteý sharalary qarastyrylady. Osyǵan baılanysty azamattardan atalǵan sharaǵa túsinistikpen qaraýyn, qaýipsizdik erejelerin saqtap, oqý-jattyǵýlarǵa jumyldyrylǵan memlekettik organdar qyzmetshileriniń zańdy talabyn oryndaýyn suraımyz», - delingen habarlamada.

Shtab ókilderiniń aıtýynsha, qoǵamdyq tártipti qamtamasyz etýge qatysyp jatqan tulǵanyń zańdy talabyna baǵynbaǵan azamattar QR ÁQK 443-babyna sáıkes ákimshilik jaýapkershilikke tartylady.

Illıýstratsııalyq foto