Almatyda terrorıstik qaýiptiliktiń «qyzyl» deńgeıi alynyp tastaldy

ALMATY. QazAqparat - Almaty qalasy aýmaǵynda lańkestik qaýiptiliktiń "qyzyl" deńgeıi alynyp tastaldy, dep habarlady Almaty qalalyq terrorızmge qarsy kúres boıynsha shuǵyl shtabynan.

«Almaty qalasy aýmaǵynda lańkestik qaýiptiliktiń "qyzyl" deńgeıi alynyp tastaldy. Zańsyz áreket jasaǵan kúdikti ustaldy. Ustaý barysynda ol qarsylyq kórsetti. Sondyqtan qarýsyzdandyryldy. Qazir ustalǵan kúdikti qamaýǵa alyndy. Jedel jáne áleýmettik keshendi sharalar barysynda mynadaı jáıtter anyqtaldy. Búgin tańerteń kúdikti jeke taksı júrgizýshisine qaraqshylyq shabýyl jasady. Sonyń saldarynan jas áıel - taksıdegi jolaýshy qaza tapty. Qazir qalada jaǵdaı turaqtaldy. Qaýip-qater seıildi. Quqyq qorǵaý organdary jaǵdaıdy tolyǵymen baqylaýǵa aldy», - delingen habarlamada.