Almatyda termınaldy tonaǵan adam ustaldy
ALMATY. QazAqparat - Almatyda Almaly aýdandyq patrýldyq polıtsııa qyzmetkerleri termınaldy tonaǵan jigitti qolǵa túsirdi. Bul týraly qalalyq ІІD baspasóz qyzmetiniń jetekshisi Saltanat Ázirbek aıtty.
«Qurmanǵazy kóshesiniń boıyndaǵy ǵımarattardyń birinen shyǵyp kele jatqan eki er adam polıtseılerdiń kúdigin týǵyzǵan. Qoǵamdyq tártip saqshylarynyń jaqyndaǵanyn kórip, olar qasha jónelgen. Keıin belgili bolǵandaı, bul ekeýi dúken aldyndaǵy termınaldy buzyp, ishindegi aqshany jymqyrǵan. Qashqyndardyń biri ustalsa, ekinshisi sytylyp ketti. Qazir keltirilgen shyǵynnyń qansha ekendigi belgisiz. Aqsha qara úzip ketken azamatta ketti», - dedi S.Ázirbek.
Qazir atalǵan derekke baılanysty ustalǵan kúdiktilerge qarsy QR QK 175 baby boıynsha qylmystyq is qozǵaldy. Kúdiktilerdiń biri ýaqytsha ustaý oqshaýlaǵyshyna qamalsa, ekinshisiniń kim ekendigi anyqtaldy.
Polıtsııa qazir ony izdestirýde.
